Bul azamattardyń HQO-da kóptep jınalýyn boldyrmaıdy jáne vırýsty juqtyrý qaýpin joıady, osy rette qyzmet alýshylar da óz ýaqytyn únemdeıdi. Aldyn ala brondaýsyz esh qyzmet kórsetilmeıdi.
Dúısenbi men juma aralyǵynda saǵat 10.00-den 18.00-ge deıin mamandandyrylǵan HQO-da avtokólik ıeleri óz avtokólikterin qaıta tirkep, júrgizýshi kýáligin alyp, praktıkalyq emtıhan tapsyra alady.
Shymkentte barlyǵy 3 mamandandyrylǵan HQO jumys isteıdi. Mamandandyrylǵan HQO ǵımaratynda kólik quralyn tirkeýge jáne qaıta tirkeýden ótkizýge, júrgizýshi kýáligin aýystyrýǵa bolady. Júrgizýshi kýáligine qosymsha kategorııalar boıynsha praktıkalyq emtıhan tapsyrý jáne medısınalyq tekseristen ótý jumystary Dostyq móltek aýdanyndaǵy mamandandyrylǵan HQO-da ǵana júzege asyrylady.
Sanıtarlyq-epıdemıologııalyq rejımdi saqtaý maqsatynda avtoHQO-ǵa kezektiń ýaqytyn brondaý úshin egov.kz portaly nemese 1414 nómirine qońyraý shalý arqyly belgilýge bolady. avtoHQO-ǵa barǵan kezde qashyqtyqty saqtaýdy suraımyz, medısınalyq maskalardyń bolýy mindetti.
Esterińizge sala keteıik, azamattar, sondaı-aq elektrondyq úkimet portaly arqyly júrgizýshi kýáligin aýystyryp, avtokóligin qaıta tirkeı alady.
Aıta keteıik, avtoHQO jumysy toqtatylǵan sátten bastap, tótenshe jaǵdaı kezinde onlaın rejıminde azamattarǵa 600 jýyq júrgizýshi kýáligi berildi jáne avtokólikti qaıta tirkeý boıynsha 300 astam qyzmet kórsetildi.
Anyqtama: Jumys kestesi: DS-JM, 10.00- den 18.00-ge deıin úzilissiz.
Mamandandyrylǵan HQO mekenjaılary:
№1 mamandandyrylǵan HQO: Dostyq m.a.
№2 arnaıy HQO: Tashkent aınalma joly, 341.
№3 arnaıy HQO: Qyzyljar m.a., Jıdelibaısyn kóshesi 92. «Bekjan-komfort»
